9:47:00 AM
hiffi salang
rumah panjai kami
nyadi malam nyak. niang 2 iko disengai kami seretai. enda kala meda utai bakanyak. bala penghulu bala mambang. pan nadai kala meda utai bakanyak. enti parai eksiden tauka kena bunuh angka meh parai seretai mayuh. tok parai penyakit jarai ditemu sengai segulai. ke bisi didinga enti parai pan dudi 2 3 minggu tauka bebulan tauka betaun. tok dudi sari ajak. nyak kebuah alu disengai segulai .. maya kak nutup ke santubung diak anak indu inik aku bisi nyebut "lebu meh dik ngasi ke ucu dik indai .. enda gak dik ensepi ucu dik merik pengelantang agai dik .." teritik ai mata aku ninga anak iya ke indu nyabak nyebut utai nyak ..
lebuh maya pagi siti diak kami nganjung bangkai ke pendam. engau gak tudah aku laban kak merik pengasih ke penudi agai ini. enti orang bukai angka lubah aku tang meda indai ngasuh gak alu engau meh aku bebai ke bayak inik engau aya. enti udah ngemai barang baya nurun ke pemendai enda tau niki baru, piak kok indai aku madah. udahnyak nepan meh kami sebuat bala aki bala ayak engau menyadi ke bukai bela enggau madang2. aku ngeluan ke perau kami. datai bak nanga sependam, niki meh kami. raya gak pemedih. iya gak lutak iya gak santubung berat amat. dini kala tudah aku kala engau. pama meh ensepi penusah iya. ngangkut semen .. batu .. pasir ngau mayuh gik utai bukai. sidak ke indu nganti bak pemendai sungai berapi ke kami. enti bisi laluh utai dempa enda tau dibaik pulai. reti iya semua utai dempa dipakai ambih meh. enti bisi laluh buai ajak. udah orang tembu numbak sereta nyemen bak endur lantai pendam diak kami tadi asoh orang nurun ke baruh lalu niki baru bak tangga. lebuh maya nyak kami ensuruk batang akar ke digulung bala penghulu. sereta nyak kami ditabur ka berau. nyak reti kami tadi udah pulai meh ari menua sebayan lalu enda tau agik tama ke dalam pendam. udah ke tembu magang, santubung pin udah gak ditimbus baru, kami pan alu ngemulai ke dirik. utai baka tali ngemai santubung engau apa nama ajak utai kena maya bak pendam enda tau dibaik pulai. ditinggal ke semua bak pendam ..
sebedau pulai menyadi aku merik batang kayu. pepat pucuk ngau pun. nyadi pucuk iya ditanam bak tanah. nadai orang madah tang bak penemu aku awak ka pun kayu nyak enda nyadi idup sereta kitai pan enda gak kena pansa sebayan. udahnyak lalu ensuruk baru bak gelung akar kayu bak jalai pengabis bak menua pendam. udahnyak mulai ke diri meh kami 39 iko .. anak laki iya enda tau enda gak ngemai batang kayu ke mit sigik, kena ngujak ka tiang ulit. datai bak pemendai rumah panjai kami pan mandi. enda tau enda sama lebuh niki ke rumah panjai. mesti seretai. bebaris2. datai di tanju rumah sidak niang kami pan alu di tama ke dalam gelung akar baru, udahnyak bala penghulu pan nabur ke beras, kami pan negu berau sereta aik ke bisi batu pemali. enti bisi asu , tau gak tegu. mayau tau meh. enti kitai enda disalak asu reti kitai tok mensia meh, ukai antu. bisi kedak orang semengat iya tinggal ka pendam nyak kebuah enti uduk nyak nyalak iya. lalu enda tau enda dibedarak nyak. enti udah ngau orang nganjung bangkai anang guai meh negu anak biak. laban sidak tok agik lemik semengat. ngetu dolok lalu ninga ke jako tuai rumah madah kemaya ngepun ngulit lalu kemaya gak orang ngetas ulit. piak meh iya adat basa enti maya nganjung orang ke mati.
Posted in 
